عشرين حيه - صالح بن عمار
مانضمت الشعر ادوّر ياعساها.ياعساها ..! ضاع من دوّر وراها.!انضمه لا صاح قلبي بالمشاعر.وانضمه لو ضاق بعيوني سماها.!الرفاقه خيطها .. سر المعاني.لو ربطت احداثها .... غنّا صداها.!شجرةٍ .. في ظلها عشرين حيه.وكل حيّه بيضها ... مالي حشاها.!قمت افكر والفكر لمّح في رايه.مايرد الفاس ..... لو يهوي لحاها.!قلت لا يالفكر عندي حل ثاني.شِب فيها النار .... تكفينا اذاها.!ومن لقى مفسد يرد العلم عني.سالفه مع سالفه .! نكشف خفاها.!قايد التسعين ...... فكينا قيوده.وحربنا .. دارت على راسك رحاها.!عابد الأنثى وسمّه في زجاجه.والزجاجه كاسها ... مزمز شفاها.!المراجل بالشدايد ..... مالحقها.ولا لحقها ... لو تنادي في رخاها.!لابسٍ ثوب النزاهه ... والخوافي.في جناح الليل ..... منزوعٍ رداها.!صورته .. تعكس اديبٍ في زمانه.ولو خلطنا الوانها .... عفنا نباها.!فكرٍ اصمخ مثل قشٍ في هشيمه.والهشيمه ماحيت ... مهما سقاها.!وانت يالحِبيب ... قرّب لي شويه.همسةٍ بإذنك .... عذابك في وحاها.!مدلهم الغيم ... من فكري تزبّر.الرعد ........ ينهم بردها قبل ماها.!منت قدي .. لو سهرت الليل كله.انت ...... من ناسٍ نتلتلها بلحاها.!نظرتك في دون .! واعطيك الادله.شفتها ....... مادام عينك ماتراها.!الهنوف اللي تقول الشعر قالت.كل بيتٍ تكتبه ....... تركض وراها.!تفتخر بابياتك الهزله .! وتفشل.يعني فاشل في غزلها في هجاها.!تحت ظل الحب تبغاها تحبك.لو تبوس ارجولها ....... والاّ حذاها.!سوّد الله وجهك الاصفر ومفسد.لحيته تنتف ....... ولا شفته حماها.!والا انا ...... حرٍ تعليت المجره.وهقوتي ... تبطي ترى تلحق مداها.!بترك الموضوع لاهل العرف تحكم.والنصيحه من بغاها .... مانساها.!لو عطيت الناس عيني مع نظرها.عذربوها ......... بالرمد والاّ عماها.!حالة العالم .! تمشيها المصالح.والبشر خسران من يطلب رضاها.!بالتجارب قالت الخبره ..... وقلنا.حي رجلٍ باعها ....... والاّ شراها.!
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.