يابنت ..! في روح القوافي شعوري.
وانتي شعورك.! غاب فيني حظوره.
ايام .... احسك بين لذة سطوري.
واحيان .. سطري مايهمك ظهوره.
ان قلت احبك فاح منها عطوري.
وفاح الحنين .. اللي دعاني عطوره.
حرفك ثمل .. مابين زورك وزوري.
بالجوف والشفه .... مصانع خموره.
يسكر من انفاسك يعانق حظوري.
بين الدلع والغنج .... لذة شعوره.
ترى الغلا محتاج صوتك ضروري.
دامك .... نثرتي في وريدي بذوره.
العمر ... يمشي بالسنه والشهوري.
والروح ....... تبقى بالمحبه غيوره.
ترى وجودك في حياتي .. سروري.
كل الخلايا ..... بإنتظارك صبوره.
شوفي غرورك .. زاد فيني غروري.
حتى الشعر .. زاد بحضورك غروره.
بإسم الشعور اليوم وش كان دوري.
هاتي جوابك .... لو علينا خطوره.
قلبي تعلّق .... بين نورك ونوري.
ولا باح سدي غير عند الضروره.
الصد ماعمري سقيته .... بحوري.
اعطيه فرصه ... لين يهديه شوره.
والقلب لو صادف وقوفه مروري.
غسلت من مده .. شواطي بحوره.
ترى إنتظاري مل شوفي و سوري.
ومليت من وجه انتظاري وجوره.
الروح تنشدني.! بصوتٍ جهوري.
متى يجيها القلب .... والا تزوره.؟
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.