تهبا

ياطير ياللي تنوح بعالي الغصني
مليت وانا انتحر في .. طرس اقلامي

(زدني من النوح واسعدني على حزني)
لملم بقايا عناي .. و .. ضيعة احلامي

امس الضحى ايقنت ب ان الطيش ما يعني :
سوى .. مواطن هواوي .. في : بلد نامي

يامزنة الديم .. يا .. ديمومة المزني
ي الهام كل مصدرٍ .. يا .. مصدر إلهامي

غفيت في وجنتيك .. ولا تواخذني
!الشوق هذا لئيم !.. وميسمه دامي!

كذا ويكفي .. بلاش تقول : واحشني
باين عليك تهبا .. وصويحبك ظامي

عديت انا الذكريات .. ب رجمك المبني
وتليت عود الضلوع .. ب مرقب حامي

وشلون اخبيك عن عيني ؟ .. وانا جفني
كل ما يِكّت النظر .. ينبتك قدامي

وش عاد لو ضاق يالسجان بي سجني
يدٍ تبيني سجين ويد ما تحامي

كل ما ميّلت تسندني
وش نيتك في خويك ؟.. يا ملا الغامي

يا ابلغ من الضاد .. وسط الجامع المغني
وألطف من الغيم .. لا نسنس هوا شامي

كم له وهَالنور هذا جاني ومجني
كل ماسطع بالشحوب .. و .. دوزن اوهامي

يمكن امرك ترا بكرا .. و .. آخذني
خايف علي من عبيرك يعلن اعدامي

انتَ .. ف عطرك .. تسيل الغيم يمطرني
وانا بالاجواء هذي : واحد اجرامي

اسرفت فيني وانا ما قلت لك : عطني
حسبي عليك وعلى تغريبة اقدامي

خلاص .. يكفي .. دخيلك .. لا تواعدني
مغري .. وانا ما انتبهت ل عضة ابهامي

تصبح على خير .. يالله قوم ودعني
من ميلة عقالي .. لين .. البرد ب عظامي