يا بوي ضاقت علي ارض السعوديه
والهم من زود حبـه مـا يخلينـي
مضت سنين علي ما شفت وسميـه
والزين من عقبها ما شافته عينـي
أذكر زمان مضى في روحه وجيـه
وابكي على حالتي وأقول وش فيني
أحب ذاك القمـر ميـه علـى ميـه
ولو زاد فيه الغلا لا شك مرضينـي
أشكي على حالتي من هـو حواليـه
وأقول من شافها يسـرع ينادينـي
يا ليتني شفتها لو عقـب عصريـه
ولا ضاق صدري تجي عندي تسليني
من عقبها صرت من بين العزوبيـه
أقاسي ا لهم وإبكي مـن يداوينـي
ما ترحمي حالتي تكفين يـا بنيـه
وأنا صغيرٍ وعمري دون عشرينـي
الحب قالوا ثـلاث سنيـن وشويـه
وأنا ثمان مضت ما هـوب نسينـي
كتبت فيك الشعـر وأتعبـت يديـه
وأنت بكلمه هلا مـا قلتهـا فينـي
يا زين والله بنات فـي السعوديـه
جمال وأخـلاق ومكملهـن الدينـي
جمالهن ما وصف في زين سوريـه
ولا ذكر فـي مصـر دار المحبينـي
قلته وأنـا عاشـقٍ بنـت تميميـه
مستورتٍ بالحياء والطيب والزينـي
يارب ترحمني وتصلـح لـي النيـه
وتجمع قلوبنٍ تحب من عدة سنيني
