من ثلاث سنين والحاله كسيفه= هب ثلاث أيام والحاله تعدي
كيف همي يعيف مهمومه وضيفه؟ =حتى همي وأهو همي صار ضدي!!
أشوفني مقدم على حفره مخيفه !=أسبقوني قبلها جدك وجدي
نازع الأرواح خذ روحن عفيفه! = من زمن فيه الردي أعلن تحدي!
ما عكيفه والله اني ما عكيفه =الردي دومه ردي لو كان جدي
الرجل يبقى رجل ويسل سيفه = و الحياه ما بين جزر وبين مدي
والحياة البرزخيه والشريفه = والله أكرم من حياة المستبدي
الوليف اليوم ما سامح وليفه = عقب موته قال يعله مايردي
العزا للنفس لو كانت ضعيفه= واللحم بين الروابع ما يبدي
والله أني كاشف المعنى وزيفه= ولا أخاف اليوم لو بيحت سدي