اخطيت يوم انـي نزحـت وتغربـت=
تركت ربعي واحسب انها شجاعـه !
تركتهـم بالجـوف عنهـم تجنبـت=
بالدين حتـى ماتجـوز القطاعـه !!
ثمان سنين(ن) مغتـرب ماتسنعـت=
كل يـوم اعـدّه بالدقايـق وساعـه
يابوي من بعـدك ترانـي تغربلـت=
والشيب في راسك قهرنـي وداعـه
عيّوا علي لاروح منهـم توحشـت !=
وانا على خبرك قليـل الشفاعـه !!
بين السما والارض شفنـي تعلقـت=
لاواهنـي اللـي بقلبـه قنـاعـه !!
يااااكثر غلطاتي ويااااكثـر ماصبـت=
ويااااكثر ماحظي صفعنـي ذراعـه !
سلبيّـة الموقـف عليهـا وطنشـت=
لاحاشني تجريح بعـض الجماعـه !
جرح(ن) بقلبي منْـه يامـا تألمـت=
متحيّـر بحبـل الوصـل وانقطاعـه
في سلمنا ماني حشى بـه تهاونـت=
لاتصدقـون مروجـيـن الاشـاعـه
الشاهـد انـي بهالبلـد ماتأقلـمـت=
بالعاصمه راسـي يـزود بصداعـه
عقارب الاسبوع من سبت لِ سبـت=
طـال انتظـاري بالحشـا والتياعـه
وش هو به اطلع لاجلست وتصبرت ؟=
وش هَو لي اقعد عايش(ن) بالفضاعه
وش هو لي اشقى دامني ماتصـورت=
نفسي وانا اللي مازهانـي لفاعـه !!
لاواعذابـي ويـن مارحـت غربـت=
خيي اثاريه الشقا مـن الرضاعـه !
يابوي جيتك قاصـد الـدار لاهنـت=
يابوي جيتك كلي سمع(ن) وطاعه !!