سرى ليل المعنا..والمعنا ماسرى توه = على مركاي والفنجال في يمناي مصبوبي


أخايل بالسماء برق(ن) وأسمي وأحتري نوه = عسى برق(ن) تخيل العين فوق ديار محبوبي


هنوف(ن) كامله والكامل الله مابها سوه = سوى عذروب عاتقها طويل..ويقصر الثوبي


حلاها يارفيقي في شناق العنق وأهدوه = رزينه ماتسوق الرجل بدروب(ن) مهي دروبي


تنومس بالوفاء من عاشره وتقدر الخوه = ولا تعصى لي أمر..ونافذ(ن) بالحال مطلوبي


ابي فرقاه ماهو كره..؟ لكن صايره لوه = لو أطلب مي عينه جابته تنقله بأسلوبي


تقول أنته غلاك بداخلي يالشمري جوه = ولا أنسى عشرتك لين أندفن بالرمل والطوبي


ياتركي ياعساك بدوم يالغالي على القوه = أبي تلقى حلول لخاطر(ن) بالحب مسلوبي