يالله ياللي عالم(ن) بالنوايا = يامصبر(ن) من حكمتك عبدك أيوب

ياعالم الاسرار هي والخفايا = يامرجع(ن) يوسف على أبوه يعقوب

ياكافل(ن) رزقي ورزق البرايا = ياهادي لمن ضل..ياغافر التوب

ياواحد(ن) علام ما بالحنايا = يامقدر(ن) والامر مقضي ومكتوب

يارب لطفك كان صرنا عرايا = قدام وجهك كل ماصار محسوب

يارب نرجيك الرضى والهدايا = في يوم مايشفع صحيب(ن) لمصحوب

كل(ن) على اعماله بيلقى جزايا = مما أقترف بأيديه سيات وذنوب

ماني معصوم(ن) عن دروب الخطايا = ولا مشيت بصوب والحق في صوب

أخطي وأنا ارجي عفو ربي ورايا = بيوم(ن) به الطالب..يجي غصب مطلوب

أرجوك عفوك ياجزيل العطايا = وأتنقي ذنوبي نقاة..أبيض الثوب