أسابق اللحظات من غير ميعاد = شفقان لعيون(ن) خذتها المسافه

وأحن حنة ذود لا صار وراد = وأعني أقدامي ولو به كلافه

كلي لعينك ياأريش العين منقاد = لو أن درب(ن) قادني لك كسافه

ليتك هدرت الروح يازين..بزناد = ما أسرفت بالتعذيب..ذنب وسخافه

أشتاق لك شوق(ن) أليا زاد مازاد = بعروق دمي غير كثر انعطافه

وحتى الوريد اللي على الدم معتاد!! = كثرت عليه الأوعيه وألتفافه

وبحلت بين (( القاف والنون والصاد)) = ((قلب(ن) نفس صدري)) يثقل خفافه

لادق كنه لأوسط الصدر حصاد = ينذر معاليق الصدر بأنجرافه

وأشتاق لك يازين وأحن وأعتاد = شوق(ن) يورد لي بتالي..مطافه

طيف(ن)..يمر العين بقعود ورقاد = وأحلف وأطلق بالثلاث..الضيافه

وأن سهل الله روحته عقب مقعاد = ماأدري بروحي غير وأنا خلافه

الله يلعن نوب بعض التوجاد = أثر الفراق الموت..كل(ن) يخافه

ماكنت أحسب الصد يالترف وقاد = لين أتلفت فرقاك روحي تلافه

أرحم ولا تقسى على الروح بعناد = وأجبر بخاطر عبرتي وأنذرافه

شوقي لك أكبر حيل من شوق..بغداد = لأيام أبو جعفر وحكم الخلافه

وشوقي يسابق شوفتك دون ميعاد = لو أن دون الوصل حالت مسافه

كلي لعينك ياأريش العين منقاد = وأدري بدرب(ن) قادني لك كسافه