العين تبكي لا تطاروا بالحياة الفانيه = والنفس تخشى من غدا..حين التعالي والسقوط


والقلب منفى للذنوب القاصيه والدانيه = ولا يأخذ الدنيا كذا ياكود رجال(ن) قنوط


وأنا أمرؤ(ن) مؤمن ولي نفس(ن) كريمه..هانيه = ماأشكي ظروف الوقت أو أرضخ لتهديد الشروط


أصبر وأكابر لو نوى وقتي كسر جنحانيه = لكن فلا أثني كلمتي لو واجهت نفسي ضغوط


لي صاحب(ن) مدمع عيونه ظالمات وجانيه = أبطى علي بالوصل وأرسى في حشى جوفي شطوط


أفنى مرابيع العمر من عقب ماهي غانيه = وحل الضلوع الحانيات وضكها..ضك أخطبوط


كسر ثمان ضلوع وألحقها ثمان(ن) ثانيه = ثمان دمرها بشوط..وكمل الباقي بشوط


الله يبيحه رغم تكسيره ضلوع(ن) حانيه = عرفت منه كيف فرق الأرتفاع من الهبوط


وعرفت منه أصل القلوب..أدانيه..ماأدانيه = قلب(ن) غشى فيه البياض وقلب تغشاه الخيوط


وعرفت أن الساق لاسجت قدمها عانيه = ساق(ن) على درب الفساد..وساق بالمسجد ربوط


وعرفت صنفين البشر..ياعاليه..يادانيه = صنف(ن) تبع سبل الرشاد وصنف يتبع قوم لوط


وعرفت منه لا تطاروا (( بالحياة الفانيه؟؟ )) = منهو يبي يبكي من الخشيه ومن خوف السقوط