أه من همن يزيد بقلبي الدقاقي = شفت منه العزر رغم أن العظم من فوقه

ماهنالي زاد يوم ولا سقاية ساقي = صرت مثل اللي ينام..وداب في صندوقه

لو هقيت الموت ينسيني عناء الأشواقي = كان أعض شماغي بسني..وأتل عروقه

من سبايب جادلن فيها الجمال الراقي = بين ترفات الصبايا صدر الله سوقه

باعت أسهمهن برخص..وروحت ياواقي = يالله أنك لاتعثر خطوته وتعوقه

العيون وساع..نجل..وحدرها براقي = قبري بكحلة عيونه..والكفن ببروقه

به فتونن حايلي مع خف دم عراقي = وبه‘‘دلع لبنان‘‘والشرهه..على منطوقه

لاتبسم في ثمانن غر..حسنه لاقي = وأن بكاء..دمعه يزيد أبه الحسن ويلوقه

وأن مشى والغصن مال وبان ..حجل الساقي = أحفظي يالأرض من يمشي عليك بروقه

حطت حباله بعنقي وأفرطت بوثاقي = من غلاها حطت حباله ماهي مطفوقه

كل مارخت حبل عنقي لبعد..أشتاقي = وكل ماشدت وثاقه..زاد قلبي شوقه

أتعبتني في هواها والهوى خناقي = وكل لاحق بالهوى يطرد ورى ملحوقه

ويش أسوي في جميلن ناوين لأحراقي؟؟ = وقلبي المسكين متحمل عذاب حروقه

أتصبر..والصبر مرات ماينطاقي = عاشقن ينطر سهوم الموت من معشوقه

يالله أنك ماتحرم النفس ياخلاقي = ولاترد اللي لجالك يوم ضده عوقه

الهموم تلوف قلبن بالهوى دقاقي = شفت منه العزر..رغم أن العظم من فوقه