أبيك تقبل ياهوى البال عذري = كاني عليك أخطيت يالترف في شي


لا تلومني في غيبتك طال صبري = ونبض المشاعر مات..ماعاد هو حي

عقبك طواني هم في جوف صدري = تعال .. بدّّّل عتمة الليل بالضي

تعال أبي منك الوفاء وأنت تدري = كني نبات وشوفتك رشة المي

ياحلم عمري..لا..ياكل عمري = ياأغلى من أحساس الغلا يابعد حي

أن مت أبي بعيونك السود قبري = أبيك تطوي صورتي داخله طي

وأبيك تذكرني أليا غاب ذكري = ماشفت لك زي..ولا شفت لي زي

لاتلومني لا قلت لك طال صبري = بعدك عذابي..ميتن كنت أو حي