قالت تحب الغنى قلت أف ياشينه = بالخص كانك من الأحساس متجرد
قالت تحب الفقر قلت أه يازينه = لاصرت فوق الفقر والحب متمرد
قالت وأنا قلت جرم ولاأقدر أدينه = لك في حنايا ضلوعي وضع متفرد
لاشفت وجهك يشع بنور خدينه = النفس تطرب غلا والخافق يغرد
سبحان منهو كساك الزين يازينه = من شوفتك كل شي بعيني مورد
كن الحلا في تحدي بينك وبينه = قلتي له أرتاح قال أرتاح وأبرد
يامشردة شخص ماشردته سنينه = وعقلي معك من ثلاث شهور متشرد
وكفك أليا لامس من الكف ثلثينه = نزيت حتى بعز القيض متبرد
والعين لاناظرت نظره مسيكينه = فزيت من مقعدي والجيب متسرد
حسيبك الله على شي تسوينه = زولك ببالي يصدر طيف ويورد
حتى منامي جزع ماأرتاح في عينه = طيفك يلد المنام العذب ويطرد
وأساهر الليل لو الناس ممسينه = قلبي يضخ الغلا وعروقي تجرد
مابين هذي وهذي أه يازينه = لا صرت فوق الفقر والحب متمرد
وألا غنى المال عندي حاجتن شينه = لاصرت من نعمة الأحساس متجرد